§¤~^~¤ d00dy ¤~^~¤§

 السلام عليكم ورحمة الله وبركاته

 

امس سار معايا موقف أليييييييييييم في المطبخ بلاش احكي حاليا بما انو محرج في الوقت الراهن،،، بس الموقف هذا ذكرني بوقف يشبهلو سار قبل كم سنه 

 

يقولو انو الانسان يتعلم من اخطاءه بس الظاهر انا من الناس الي ما يتعلمو بسهوله  

 

 

المهم ما اطول عليكم الحكايه وما فيها اني من كم سنه فاتو اتلقفت وقلت لأمي اني ابغى اتعلم اعمل سمبوسك

 

طبعا الشي هذا في رمضان فالمسكينه حبت تساعدني وقالتلي المره دي انا عملت الحشوه المره انتي لفيها

 

والمره الجاية انشاء الله اعلمك

 

وياريتها قالت لا

 

قالتلي انا حسيبلك الحشوه في التلاجه انتي لما تصحي طلعيها واعملي الي تعمليه

 

اختكم في الله صحية من النوم بدري <<<<< متحمــــــــسه  

 

فتحت التلاجه ما لقيت الحشوه الي قالت عليها قلت يمكن نسيت وحطتها في الفريزر وفعلا فتحت الفريزر ولقيت اللحمه

اخدت اللحمه وسخنتها   وجبت الرقاء وانا كلي حماس وبدأت اللف

 

بس اللي لفت نظري هو ان الوالده الله يحفظها قالتلي ان الحشوه قليله وما حتعب انشاء الله وانا اعملها

 

بس الملاحظ انها كتير وغير كدا كانت في الفريزر

 

المهم بدات اللف والشغل وانا متحمسه وطبعا امي ما كانت في البيت لمن يحب الاستفسار عن الموضوع

 

وعدت الساعات وانا هالكه نفسي في اللف

 

واخيرا خلصت قمت جبت القلاية الاتوماتيك وكانت اول مره استخدمها فيها

 

وبدات القلي وكان في شي تاني لفت انتباهي عدت ربع ساعه السمبوسك نفس اللون ما اتغيرت

 

بعدين اكتشفت ان القلاية الكهربائية تخلي لون الرقاق فاتح مو زي القلي العادي بس بعد ما عملت الكارثه

 

وجات امي وهي مستنيه المفاجأه الي المفروض افرحها بيها وانا حطيت السمبوسك في الصحن وجايبه التمر

 

والاشياء التانيه وهي يا حياتي .....ما شاء الله ماشاء الله يعطيكي العافيه    

وفتحت التلاجه وكانت الفاجعه  ........ اشبك ما استعملتي الحشوه الي سبتها؟؟؟؟؟؟؟؟

 

أي حشوة مو انتي كنتي حاطتها في الفريزر

 

ايييييييييش لايكون استعملتي الي كانت في .....

 

ايوا ليش؟؟    

 

وبعد ما قالت يعطيكي العافيه بدات الدعاوي وبدأت التهزيء  

 

طلعت اللحمه الي كانت في الفريزر لحمة نيه ومن غير بهارات ولا أي شي

 

والدموع بدأت تنهمر   <<<<< دمعتها قريبه مره

 

المهم سخنتيه على النار ولا لفيتيه على طول؟؟

 

ايوا اصلا انا استغربت انو احمر<<<<<<<<<< تبرر موقفها على بالها بتصلح شي  

 

وحطيتي بهارات او شي .... ملح فلفل أي شي

 

لا<<<<<< وما زالت الدموع تنهمر  

 

يالله الله يعين نجيب شوية ملح وشوية فلفل ولا أي حاجه وناكلها اش نسوي

 

حرام نرميه كمان

 

واستنينا المغرب يأدن<<<<<<< وما زالت الدموع تنهمر  

 

وادن المغرب و بعد ما اكلت التمر وشربت الموية مدت يدها عشان تدوق عمايل يد بنتها

 

وياريتها ما داقت

 

اصلا ما مداها تدوق شي

 

هي حطت المثلث في فمها وشويه وسمعتها تقول اش دا واسمع صوت تكسير من فمها

 

بعدين حركت السمبوسك بطريقه عشان تنزل الحشوه

 

<<<<<<<<< هذا كلو وما زالت الدموع تنهمر  

 

وانا عيني في الارض من الكسوف ، وفي لحظه سمعت صوت تاني ، زي صوت الحجر لما يطيح على علبه

 

رفعت عيني في دي اللحظه عشان اعرف اش هذا الصوت   طلع صوت الحشوه وهو يطيح على السفره

 

تخيلو الابداع الرقاق ما انحرق والحشوة انحرقت

 

<<<<<<<<< تحولت الدموع إلى ضحكة  

 

وي اش حرق الحشوة ،،، قالت امي.

 

وانا اضــــــــــــــــحك

 

يا ويلك اذا عتبتي باب المطبخ مره تاني يا ساتر

 

وفعلا سرت ما ادخل المطبخ الا في الخفايف يعني اسخن اكل اعمل كيكه اعمل بيتزا بس الطبيخ حد الله بيني وما بينو الى ان يشاء الله

طبعا من  غيرلف ودوران امنية اغلب البنات وخاصة بنات جده هي ركوب الجتسكي

وانا منهم وفي ناس تتاح لهم الفرصه وناس لا ، وانا من النوع الاول بعد عناء طويل

وبعد استمرار هذا الحلم لسنوات لدرجه اني ظننت انه لن يتحقق<<<<<< ادعس يا لغه...

المهم جات الفرصه الين عندي وببلاش ( زي ما انتو عارفين الساعه ما هي هينه)

طلعت الجت وحسيت اني احساس غريب مزيج من السعاده والفرح والخوف يعني حاجات

كتير من الفرحه ما اقدر اوصف  

وزي ما الكل عارف طلوع الجت بالنسبه للبنت يعني شباب وتجمعات وحركات بس بما

اني انا والشله بنات  وورانا شباب يكلو الزلط     <<< قلبت مصري...

سمح لنا بالركوب بعد صلاة الفجر

نرجع لموضوعنا بعد الفرحه والزي منو ، حركت الحت وبدات المسيره وبما انها

كانت اول مره طبعا مشيت على قشر بيض في البدايه ولما بدات اتفرعن واخدت

على الموضوع اذا بشلة شباب يسبحون في المياة البادره ( الله يهدكم يعني لا ليل

 ولا نهار)  ومن حسن الحظ الشباب الي ياكلو الزلط كانو في سابع نومه واحنا

ولا همنا

وها نحن نبحر وبعد اللف والدوران قلت خليني اتجرأ واروح منطقة الصخور

والي كان يسوق في اللحظه دي بنوته صغيره كانت جالسه قدامي( على اساس اني

الحريفه الي حتعلمها) وفجأه شفت 2 من البنات الي كنت معاهم جايين من الجهه

التانيه ( الصخور كانت على شكل نفق) كان في حل من اتنين اضرب في الصخور

أو الف وارجع بسرعه قبل ما تجي او اصدم في الشباب واخد اجل واحد فيهم

<<<<< هادي الحلين؟؟ ... طبعا انا اخدت الحل التاني لاني ما ابغى اموت ولا

اموت يعني مو في اول مره أجيب العيد ومسكت البتاع الي يسوقو بيه وادعس

والف في اللحظه نفسها عيني جات على البنت الي تسوق الجت التاني ولفتتني

ضحكتها وحسيت انها الموت القادم إلى الشرق  

 وفعلا ما هي الا لحظات وإذا بي ارى ارضية جت ازرق مع اني كنت راكبه ابيض على ما اذكر اتاري الاخت حبت تفحط قمت عملت فيها سوبرمان قصدي ومن وحبيت انقذ البنت الي معايا شبكت ايدي

على شكل اكس بحيث اغطيها وحسيت بالم الله لا يوريكم في الجهه اليمين

طبعا لاني انضرب بالأرضيه الي لمحتها قبل شويه

بس طبعا الخطه نجحت وحميت البنت وما طحنا في المويه <<<< من جد سوبرمان

قصدي ومن ....  و افتكر كمان اني سمعت صوت احد الشباب وهو يبشرنا باننا حنصدم

وبعد ما اطمنت على الي معايا طالعت في الجت التاني ما لقيت احد طالعت في المويه

وتخيلو اش شفت

   

شفت نفس الضحكه اللئيمه وسط المياة وخرجت الاخت من الموية وهي تضحك على الموقف

كانت حتاخد عمري وعمر البنت وتضحك اصلا الغلط مو منها من الدكتور الي شال التقويم

وبعدين طلعت جتها وسمعنا الشباب وهم يصفقو بحراره ما ادري اش قصدهم شافو شي ولا

يتحمدو لنا بالسلامه  

طبعا المتوقع اننا خفنا ورجعنا على البيت نجر اذيال الخيبه بس على مين دحنا بنات من

ظهر رجاله .. كملنا الوناسه لأخر قطرت بنزين

المهم الحمد لله على سلامتي انا و حبيبة قلبي لودي صغيرتاي العزيزتان صفو وبيشو